நமஸ்காரம்.

வேண்டும் மோடி ! மீண்டும் மோடி !!

தமிழ்நாடு பிராமணர் சங்கம் (தாம்ப்ராஸ்) பேரியக்கம் தற்போது 44வது ஆண்டு தொடர் சேவையில் இருந்து வருவது தாங்கள் அறிந்ததே.

ஜனநாயக அடிப்படையிலும் வெளிப்படைத்தன்மையுடனும் நாம் நமது செயல்பாடுகளையும், சேவைகளையும் செய்து வருவது நமது சங்கத்தின் தனிச் சிறப்பாகும்.

இந்த ஆண்டு ஏப்ரல் 19ம் தேதி அன்று நடைபெற இருக்கின்ற நாடாளுமன்ற தேர்தலில் நமது நிலைப்பாடு என்னவாக இருந்திட வேண்டும் என்று நமது சங்கத்தின் 3200 (மூவாயிரத்து இருநூறு) மாநில பொதுக்குழு உறுப்பினர்களுக்கும் நாம் எழுத்து வழியாகவும், வாட்ஸ்அப் குழுக்கள் வழியாகவும், மாவட்ட அமைப்புகளின் வழியாகவும் மற்றும் கிளை அமைப்புகளின் வழியாகவும் கருத்து கேட்டிருந்தோம்.

மாநில பொதுக்குழுவின் 99ரூ சதவிகிதம் உறுப்பினர்கள், பாரதத் திருநாட்டினை வளர்ச்சிப் பாதையில் கொண்டு சென்றும் மற்றும் எதிர்காலத்தில் பாரதம் ஓர் வல்லரசாக திகழ்ந்திடவும், சுயநலமின்றி அரும்பாடுபடுகின்ற பாரதப் பிரதமர் நரேந்திர மோடி அவர்கள் மீண்டும் மூன்றாவது முறையாக பிரதமராக தேர்ந்தெடுக்கப்பட வேண்டும் என்றும் அதனால் நாம் பாஜக கூட்டணிக்கு வாக்களிக்க வேண்டும் என்றும் தெரிவித்துள்ளனர்.

60 சதவிகிதம் மட்டுமே வாக்களித்து வந்த நமது சமூகம் நமது சங்கத்தின் பல்லாண்டு முயற்சிகளின் பலனாக தற்போது 80 சதவிகிதம் வாக்களித்து வருகின்றது. இது போதாது, நமது சகோதர சகோதரிகள் 100 சதவிகிதம் வாக்களித்திட வேண்டும் என்கின்ற நமது கோரிக்கையினை தொடர்ந்து முன் வைத்து வருகின்றோம்.

வாக்களிப்பது என்பது நமது உரிமை மட்டுமல்ல; அது நமது கடமையும் ஆகும் என்பதனை மனதில் கொண்டு நாம் 100 சதவிகிதம் வாக்குகளை அவசியம் பதிவு செய்திட வேண்டும் என்று மிக்க அன்புடன் வலியுறுத்தி கேட்டுக் கொள்கின்றேன்.

நடைபெற இருக்கின்ற நாடாளுமன்றத் தேர்தலில் நமது ஆதரவு பாரதீய ஜனதா கட்சி மற்றும் அதன் கூட்டணிக் கட்சிகளுக்கும் ஆகும். பாரதப் பிரதமர் திரு.நரேந்திர மோடி அவர்கள் மூன்றாவது முறையாக பாரதப் பிரதமராக பொறுப்பேற்று சிறப்பான ஆட்சியினை அமைத்திட நாம் துணை நின்றிடுவோம்.

100 சதவிகிதம் வாக்களித்து நமது வாக்கு வங்கியின் பலத்தினை மீண்டும் உறுதி செய்திடுவோம் வாரீர்! வாரீர்!! என்று அன்புடன் கேட்டுக் கொள்கின்றேன். நன்றி !

வாக்களிப்பீர்!

நன்றி !
இங்ஙனம்
உங்கள் அன்பு சகோதரன்
திருவொற்றியூர்
என்.நாராயணன்
மாநிலத் தலைவர்
E-mail : ungalnarayanan@gmail.com

Thambraas State Head Quarters
Whatsapp Numbers : 81480 11172 / 81480 11106
(10.00 am to 6.00 pm)