12-07-2026 அன்று மாவட்ட நிர்வாகக்குழு மற்றும் செயற்குழு கூட்டம் மாவட்டத் தலைவர் ஸ்ரீ.பி.விஜயகுமார் தலைமையில் நடைபெற்றது. மாவட்ட பொதுச் செயலாளர் ஸ்ரீ.கிருஷ்ணன் வரவேற்றார். கடவுள் வாழ்த்து வேத கோஷத்துடன் கூட்டம் துவங்கியது. மறைந்த திரையுலக பின்னணிப் பாடகி ஸ்ரீமதி.ஜானகி அவர்கள் மறைவிற்கு இரங்கல் தெரிவிக்கப்பட்டது. மாநில அமைப்புச் செயலாளர் ஸ்ரீ.எல்.குமார் ஸ்ரீ.வாசுதேவன் ஸ்ரீ.நந்தகுமார் அட்வகேட் ஸ்ரீ.ராகவன், பட்டுக்கோட்டை ஸ்ரீ.வெங்கடேசன், ஸ்ரீ.ரவிச்சந்திரன் ஸ்ரீமதி.கவிதா, குடந்தை ஸ்ரீ.பாலாஜி, அம்மன்பேட்டை ஸ்ரீ.வெங்கடேசன், கணபதி அக்ரஹாரம் ஸ்ரீ.ராமநாதன், ஸ்ரீ.ஸ்ரீனிவாசன், திருவையாறு ஸ்ரீ.கார்த்திகேயன், ஸ்ரீ.சிவபாஸ்கர ஸ்ரௌதிகள், ஸ்ரீ.மணிகண்டன் ஸ்ரௌதிகள் ஆகியோர் தங்களது கருத்துக்களைத் தெரிவித்தனர். 2028ம் ஆண்டு குடந்தையில் நடைபெறும் மஹா மகத்திற்கு வரும் பக்தர்கள் அனைவருக்கும் தாம்ப்ராஸ் சார்பாக அன்னதானம் வழங்குவது, நம் சமூக இளைஞர்களுக்கு உதவும் வகையில் வேலை வாய்ப்பு முகாம் நடத்துவது பற்றி மாவட்ட இளைஞரணிச் செயலாளர் அட்வகேட் ஸ்ரீ.பா.ராகவன் தனது கருத்துக்களைத் தெரிவித்தார். அனைத்து கிளைகளும் ஒத்துழைக்க கேட்டுக் கொள்ளப்பட்டது. மாவட்ட பொருளாளர் ஸ்ரீ.ராமகிருஷ்ணன் நன்றி கூற ஸ்வஸ்தி வாசகத்துடன் கூட்டம் நிறைவடைந்தது.