"தனி நபர்களை விட ஓர் நிறுவனம் பெரியது. அதே சமயம் அந்த நிறுவனத்தில் திறன் மிக்க ஈடுபாடு மிக்க தலைவர்கள் அங்கம் வகித்தால்தான் நிறுவனம் பரிமளிக்கும். அந்த வகையில் திரு.அண்ணாமலை அவர்களுடைய பணிகளை மேலும் தீவிரமாக உரிய அங்கீகாரத்துடன் பாஜக பயன்படுத்திக் கொள்ளும் என்று எதிர்நோக்கிடுவோம்.

"உண்மை தான். அதே சமயம் ஒரு விஷயத்தினை நாம் மறந்து விடக் கூடாது. திமுக தற்போது அதிகார பலம், பண பலம், பத்திரிக்கை பலம் மற்றும் தொண்டர்கள் பலம் நிறைந்த கட்சி. அதனால் திமுக இந்த கோரிக்கைகளை லாவகமாகவே கையாண்டு விடும் என்று பத்திரிக்கையாளர்கள் கூறுகின்றனர்.

"மாநில அரசுகள் கடன் பெறுவது என்பது சகஜமான விஷயம். அதே போன்று தமிழக அரசும், அனைத்துக் கட்சிகளின் ஆட்சி காலத்திலும் கடன் வாங்கி வருவது யாவரும் அறிந்ததே. திமுக ஆட்சியில் இலவசங்கள் பெரிய அளவில் கொடுக்கப்பட்டதால் தமிழக மக்களின் தலைகளில் கடன் சுமை ஏற்றப்பட்டுள்ளது. எதிர்காலத்தில் புதிதாக அமைய இருக்கின்ற ஆட்சி தான் இந்த கடன்களை அடைத்திட வேண்டும்.