"உண்மை தான். வரவேற்கப்பட வேண்டிய கொள்கை. ஓர் தமிழக முதலமைச்சர் லஞ்சம் ஊழலை ஒழிப்பேன் என்று சொல்லுவது கழகங்களின் ஆட்சிக் காலத்தில் நாம் கேள்விப்படாத ஒன்றாகும். அவருடைய இந்த அணுகுமுறை ஏற்கனவே தமிழக அரசின் பல துறைகளில் தாக்கத்தை உருவாக்கி வருவதனையும் பல்நிலை அதிகாரிகள் லஞ்சம் வாங்க அஞ்சுவதனையும் நாம் காண்கின்றோம். அவர் லஞ்ச ஒழிப்பினையும், ஊழல் ஒழிப்பினையும் தீவிரமாக செயல்படுத்தினால், தமிழக மக்கள் தான் பெரும் நற்பலன் பெறுவர்.

திமுக, அஇஅதிமுக கட்சிகளின் ஆட்சிக் கவிழ்ப்பு முயற்சிகளை திறமையாக கையாண்டு மேலும் அதிகாரிகளின் முழுமனதான ஒத்துழைப்பினைப் பெற்று செயல்படுவாரேயானால் திரு.விஜய் அவர்களுடைய லஞ்ச ஒழிப்பு, ஊழல் ஒழிப்பு கொள்கை வெற்றி பெறும்.

இவ்விஷயத்தில் மாண்புமிகு தமிழக முதல்வர் திரு.விஜய் அவர்கள் வெற்றி பெற்றால் அவர் தான் தமிழகத்தின் நிரந்தர முதல்வர் என்று நடுநிலையாளர்கள் கருதுகின்றனர்.

"இந்த கருத்தில் உண்மை உள்ளது. முறைப்படியான கள ஆய்வு, மக்கள் பாதிப்பு மற்றும் எதிர்கால தேவைகள் ஆகியவற்றை உள்ளடக்கிய ஓர் முழு ஆய்வு செய்ததாகத் தெரியவில்லை.

சர்வ கட்சிக் கூட்டம் கூட்டுவது என்பது அரசியலில் உண்டு. தகுந்த ஆய்வுகளுக்குப் பிறகு பெரிய மற்றும் நீண்ட கால திட்டங்களுக்கு ஒரு கருத்து ஒற்றுமை உருவாக்கிட, சர்வ கட்சிக் கூட்டம் கூட்டுவதில் தவறில்லை. இவ்விஷயத்தில் தவெக அரசு மேலும் கவனமாகவும் அனைத்து பரிமாணங்களையும் உள்ளடக்கி செயல்பட்டிட வேண்டும்.

"அரசியல் அனுபவம் மிக்க தற்போதைய சபாநாயகர் திரு.ஜே.சி.டி பிரபாகர் அவர்கள் நடுநிலையாகவும், திறன்மிக்கவராகவும் செயல்படுகின்றார் என்பது நடுநிலையாளர்களின் கருத்தாக உள்ளது.